الشركة المصرية لإدارة وتشغيل مترو الأنفاق، والهيئة القومية للأنفاق، بالتنسيق مع محافظة القاهرة، أعلنت عن وقف تشغيل محطة المرج الجديدة بداية من يوم 3 يوليو ولمدة 5 شهور، بهدف استكمال خطة التطوير والصيانة اللي بدأتها الشركة المصرية لإدارة وتشغيل المترو، عشان تخفف المعاناة وتكدس ركاب محطة المرج الجديدة.

من ضمن أعمال التطوير، تقليل زمن انتظار المترو في المحطة، بحيث يوصل لـ 3.5 دقيفة بدل من 10 دقايق، وهيتم تزويد المحطة بسلالم متحركة، وأسانسير لخدمة ذوي الاحتياجات الخاصة وكبار السن. وهيتم إذاعة رسالة مسجلة الفترة دي بتنوه على الركاب تاريخ وسبب قفل المحطة، وده في إطار حرص شركة المترو على التواصل مع جمهور الركاب. 

المتحدث الرسمي للمترو، قال إن تم التنسيق مع محافظة القاهرة عشان يوفروا وسيلة نقل عام وميني باصات بين المحطتين وقت فترة توقف المحطة.