لعبة تانية انضمت لقائمة الألعاب الإلكترونية اللي تسببت في انتحار شبان مصريين بعد "الحوت الأزرق"، المرة دي اللعبة اسمها "مريم" واللي مات شاب في محافظة الدقهلية. موقع "مصراوي" نشر قصة طالب كلية الحقوق المقيم في مركز كفر الطويلة، التابعة لمركز طلخا بمحافظة الدقهلية، واللي شنق نفسه بعد ما اتعرض لضغوط نفسية شديدة بسبب اللعبة.

"مريم" بنت تايهة بتطلب منك تساعدها عشان ترجع البيت تاني. واحد من شباب القرية وجار الضحية، قال إن جاره وصل لمراحل متقدمة من اللعبة وكان بيجاوب على اسئلتها وينفذ أوامرها وده دخله حالة من الخوف والضغط النفسي وقعد ماينامش أسبوعين وانتحر في النهاية. مصدر أمني في مديرية أمن الدقهلية قال إن الطالب كان بيمر بظروف نفسية سيئة وكان بيتعالج.