٢٥ طالب من مدرسة فارسكور في دمياط، هيتحبسوا لمدة شهرين زائد غرامه ٢٠٠ جنيه. الحكاية بدأت لما الطلبة ماسلموش التابلت المدرسي في آخر السنة، اللي كانت الوزارة سلمتهلهم في أول السنة، بحجة إنه ضاع منهم. مدير المدرسة محمد الروضي، قدم فيهم جنحة تبديد، ومحكمة فارسكور حكمت عليهم بشهرين حبس و200 جنيه غرامة.

أهالي الطلاب اشتكوا إن التابلت اللي المدير عمل البلاغ بسببه، تكلفته 650 جنيه تقريبًا، وإن المدير هيضيع مستقبلهم بسبب مبلغ زي ده، على الرغم من إن التابلت عليه ستيكر مكتوب عليه "إهداء من وزارة التربية والتعليم للطلاب، غير كمان إن الجهاز معرض للسرقة أو التلف!