وكالة الهجرة التابعة للأمم المتحدة، عملت أبلكيشن موبايل تساعد بيه المهاجرين. الأبلكيشن اسمه "مايغرانت آب" وهو لسه تحت التجربة ف أمريكا والمكسيك، وقريب هيكون في أماكن تانية من العالم. لو أنت مهاجر، هتلاقي في الآب معلومات بالإنجليزية والإسبانية والفرنسية عن السلامة والصحة والهيئات اللي ممكن تقدملك المساعدة، كمان بيساعدك إنك تتنقل بأمان من دولة للتانية.
الهيئة أكدت في نفس الوقت، إن الأبلكيشن مش بيساعد المهاجرين واللاجئين في التحايل على القوانين والضوابط الحكومية الخاصة بالهجرة، لكنه هيساعدهم يعرفوا الخيارات القانونية المتاحة ليهم، وبالتالي مابتعرضوش لأي خطر أو استغلال ونصب.