مؤشر أسعار اللحوم اللي بيصدر عن مؤسسة Caterwings البريطانية، قال كلام مهم في تقريره عن أسعار اللحوم في العالم كله. اللي يخصنا هو أسعار اللحوم الحمرا والبيضا في مصر، المؤشر بيقول إن مصر خامس أرخص دولة على مستوى العالم من حيث سعر كيلو اللحمة الحمرا، وسابع أرخص دولة من حيث سعر كيلو اللحمة البيضا، رغم إن المؤشر بيقول إن سعر اللحمة في مصر رخيص، لكن كمان بيقول إن نصيب الفرد أو المواطن المصري من اللحمة، 25.6 كيلو في السنة، وده معدل قليل جدًا، وبيخلي المصريين في المركز الرابع على مستوى المواطنين الأقل استهلاكا للحمة.

المؤشر كمان وضح إن المواطن المصري محتاج يشتغل لمدة 20 ساعة علشان يشتري كيلو لحمة في مصر، وده على اعتبار إن الحد الأدني للأجر في مصر 1200 جنيه، فأي واحد بياخد الحد الأدنى للأج المصري، هيحتاج يشتغل 20 ساعة علشان يجيب كيلو لحمة، ودي خامس أطول مدة على مستوى العالم، وده بيفسر ليه المصريين ضمن الأقل استهلاكًا للحمة