محافظ القاهرة عاطف عبدالحميد، وهشام طه رئيس شركة مواصلات مصر، والفريق مهاب مميش رئيس هيئة قناة السويس، افتتحوا المرحلة الأولى من مشروع مواصلات مصر في القاهرة، اللي فيه 56 أوتوبيس ما بين ميني باص وأوتوبيس كبير.

الأوتوبيسات هتكون مكيفة وفيها "واي فاي" للإنترنت وشاحن USB للموبايل ومشغل موسيقى للكراسي وأفلام، وأسعارها 6 جنيه للميني باص و10 جنيه للاوتوبيس الكبير، وهيكون فيه كاميرات وهيتمنع فيه الوقوف في الطرقات والركاب هيكونوا بعدد الكراسي فقط، والسواقين هيلبسوا يونيفورم موحد، والاوتوبيسات هيكون فيها نظام الدفع الالكتروني.