فيسبوك منع كومنتات ستات على هاشتاج Me TOO علشان فيها كراهية للرجالة
من فترة كانوا الستات عملوا حملة اسمها (مي تو - #MeToo) اتكلموا فيها عن نفسهم وعن المضايقات والتحرشات اللي بيتعرضوا ليها كل يوم، وطبيعي لما يتكلموا عن التحرشات والمضايقات إنهم يهاجموا الرجالة، واضح بقى إن الفيسبوك ماعجبوش الكلام ده، وإن مارك زوكربرج ذكوري متعفن باين!
الفيسبوك عمل حظر لحسابات بنات كتير بسبب مشاركتهم في الحملة، أو للدقة، بسبب كومنتات كتبوها فيها كراهية للرجالة. جرنال التليجراف قال إن من بين الحسابات اللي اتعملها بلوك، كان حساب الكوميدية مارسيا بيلسكي، بسبب تعليق كتبته بتقول فيه "الرجالة أشرار"، فاتعملها حظر 30 يوم وفيسبوك قالها إن سبب الحظر هو خطاب الكراهية ضد الرجالة.