هاشتاج #METOO البنات عملوه علشان يحكوا قصص التحرش اللي بيتعرضوا ليها بشكل يومي في الشارع والشغل والمواصلات. الهاشتاج كان عليه إقبال كبير وحكايات أكتر . بس الهاشتاج تطور وأخد بعد جديد. البنات على تويتر قرروا يتكلموا كمان عن حالات تحرش اتعرضوا ليها على إيد مشاهير، منهم مشاهير على السوشيال ميديا، ومنهم نجوم بره السوشيال كمان، حسب كلامهم.

واحد قرر إنه يوثق الكلام بشكل أكبر، فأخد الكلام بتاع البنات وعمله في جوجل شيت، تفتح الشيت تلاقي الاسم والشهادة اللي اتقالت في حقه من البنات. في ناس من اللي اتذكرت أساميهم في الشيت ردوا من خلال أكونتاتهم على السوشيال ميديا وقالوا إن ده كدب واللي يقدر يثبت حاجة يتفضل.