دي مش أول دراسة تتشكر في ستات العصر الحجري عمومًا، بس الدراسة الجديدة اللي بنتكلم عنها بتقول، إن ستات العصر الحجري هما اللي كان ليهم الريادة والسيطرة، في الوقت اللي الرجالة قعدوا فيه في البيت. الدراسة بريطانية، وبتأكد إن ستات العصر الحجري هما اللي اهتموا بالترحال والعمل ونشر العلوم والثقافة، ورجالتهم كانوا بيريحوا في البيت.

الدراسة استندت للتشريح وسجلات الأسنان والعظام في مدة زمنية معينة في الفترة ما بين 2500 و1650 قبل الميلاد، واللي وضحت مجهودات الستات والرحلات اللي كانوا بيقوموا بيها، ووضحت برضه إن الرجالة ماكانش ليهم في حاجة تقريبًا