أصدرت وزارة الصحة المصرية، ممثلة في الإدارة المركزية لشؤون الصيدلة، قرار بضبط وتحريز الأدوية اللي فيها مادة فالسارتان Valsartan واللي بتُستخدم لعلاج فرط ضغط الدم.

وقالت شبكة "سي إن إن"، إن العقار اللي تم سحبه بيُستخدم للتحكم في ضغط الدم والمساعدة في منع فشل القلب، واتسحب من 22 دولة لأنه بيحتوي على مادة كيميائية بتشكل خطر محتمل بمرض السرطان. وصرحت شركة نوفارتس اللي طوَّرِت العقار في الأساس، إن أقراص فالسارتان بيتم استعادتها حاليًا لإنها لا تفي بمعايير الجودة العالمية.

وطالب تقرير أصدره مركز اليقظة الدوائية باتخاذ الإجراءات اللازمة للتأكد من عدم دخول التركيبة دي الأسواق المصرية وسحب كل الأدوية المستخدمة فيها. وصدر منشور من إدارة الصيدلة بيحمل رقم 51 لسنة 2018 وبيطالب بسحب 14 عقار بيدخل في تركيبتهم المادة دي.

وأوضحت الإدارة إنه تم إرسال المنشور ده للشركات المنتجة لتجميد الأرصدة الموجودة لديهم من التشغيلات دي، وترجيع الكمية اللي اتباعت للصيدليات في كل المحافظات، بالإضافة لإبلاغ إدارة الصيدلة بمديريات المحافظات بالأرصدة والمرتجعات.