محافظة القاهرة هتعمل مدينة تجارية تنقل فيها أسواق وسط البلد
محافظة القاهرة بتدرس حاليًا إنشاء مدينة تجارية كبيرة على الطريق الدائرى الإقليمى المتقاطع مع طريق القطامية العين الساخنة، عشان يتم نقل الأنشطة التجارية الموجودة في وسط القاهرة ليها، زي اللي في العتبة والموسكى والأزبكية وباب الشعرية والسيدة زينب وحى غرب.
وأكد اللواء محمد أيمن، نائب محافظ القاهرة للمنطقتين الشمالية والغربية، إن المدينة الجديدة هتستوعب كل الأنشطة الموجودة في وسط البلد زي الأخشاب والأقمشة الموجودة في الأزهر، والأجهزة الكهربائية الموجودة في شارع عبد العزيز والمنسوجات فى الغورية والأدوات المنزلية فى حمام الثلاثاء والمشغولات فى خان الخليلى والأدوات المكتبية فى الفجالة وتجارة الخردة فى السبتية.. إلخ
"عبد التواب" قال كمان لموقع "الوطن"، إن الخطوة دي هتتعمل عشان يخفوا الزحمة والعشوائية عن قلب العاصمة وعشان يمنعوا مشكلات بتحصل زي تحويل الوحدات السكنية لتجارية والحرايق اللي بتحصل بسبب غياب وسائل الحماية وأي مخاطر على السكان، وأضاف نائب المحافظ إن كل حرفة أو صناعة هيكون ليها مكان مخصص ومواصلات هتربط بين القاهرة والمدينة التجارية.
