قال اللواء علاء أبوزيد، محافظ مطروح، اللواء "علاء أبو زيد"، إنه في إطار جهود تنمية المحافظة، بيتم إنشاء أول مشروع مدينة طبّية عالمية هتقدم خدمات طبية أمريكية في تخصصات متعددة على مساحة 370 فدان وبتكاليف 350 مليون دولار، بشراكة بين شركة أمريكية وشركة إماراتية وإدارة أمريكية.

المدينة هتشمل تخصصات من أول القلب المفتوح لحد التخسيس والسمنة، بسعة استيعاب 600 سرير والمفترض إنهم يوصلوا لـ 6000. بكده المستشفى هتبقى مقصد للي بيسافروا من مصر والشرق الأوسط لأمريكا عشان يتعالجوا فيها، كخطوة لتنشيط السياحة العلاجية.

من المنتظر إن المستشفى ترفع نسبة السياحة العلاجية الوافدة لمصر بنسبة 35%، فالعلاج في المدينة كفاءته هتماثل العلاج في أمريكا بس بتكلفة أقل 65%. والحكومة هيرجع لها نسبة 10% من الأرباح سنويًا حسب التعاقدات اللي تم التوقيع عليها.

في المستشفى هيتم الاستعانة بدكاترة مصريين إلى جانب عدد كبير من الخبراء الأجانب، للإدارة والإشراف على المستشفي.

وعن سبب اختيار مطروح لإقامة المدينة، قال المسؤول الأمريكي عن المشروع إن مطروح فيها مساحات واسعة والطقس كويس طول السنة، زائد إنها بتبعد عن المطار 10 كم بس.