"علاء مبارك" ابن الرئيس المخلوع "محمد حسني مبارك" عمل أكاونت رسمي ليه على تويتر، وابتدى بالفعل يتويت عليه، آخرهم كانت تويته تعزيه في ضحايا مسجد الروضة.

"علاء وجمال مبارك" اللي المحكمة ادانتهم بتهمة الاستيلاء على اكتر من 125 مليون جنيه، من المخصصات المالية للقصور الرئاسية وحكمت عليهم بالغرامة، و3 سنين سجن، بيمارسوا حاليا حياتهم الطبيعية وبيظهروا من وقت للتاني وسط الناس 

أتقدم بواجب العزاء الي أهالي شهداء مسجد الروضة في سيناء. pic.twitter.com/ftcbJdNZVf

— Alaa Mubarak (@AlaaMubarak_) November 26, 2017

آخر ظهور لعلاء مبارك كان من كام شهر وهو بيلعب طاولة مع صحابة على قهوة في إمبابة

كمان ظهر بياكل ملوخية في مطعم البرنس في امبابة، وفي يونيو اللي فات، ظهر في النادي الأهلي فرع مدينة نصر مع ابنه عمر، عشان يقدم في اختبارات النادي الأهلي فرع الناشئين.