نشر موقع "الحرة" إحصائيات الأمم المتحدة والمنظمات العالمية اللي شغالة في مجال إزالة الألغام، اللي بتقول إن عدد الألغام المزروعة في كل العالم، أكتر من 110 مليون لغم، 40% منهم في الدول العربية و23 مليون لغم في مصر لوحدها، بيخليها تحتل المركز الأول بأريحية. الألغام المصرية دي موجودة من أيام الحرب العالمية التانية، اللي جزء من معاركها دار في منطقة العالمين بين القوات الألمانية والبريطانية، غير فترة الحرب مع إسرائيل.

المركز التاني بقى للعراق اللي فيها 10 مليون لغم، أغلبها من فترة الحرب الإيرانية العراقية اللي فضلت شغالة 10 سنين. كمان تنظيم داعش زود عدد الألغام دي في فترة وجوده في العراق، ووصل الموضوع لحد إن بير لودهامر، وهو خبير نزع الألغام تابع للأمم المتحدة، يقول إن العراق محتاجة 10 سنين عشان تطهر من الألغام دي، حسب المنشور في موقع "الحرة".

الإحصائيات كمان بتوضح إن الألغام الأرضية بتقتل شخصين كل ساعة و 800 كل شهر.