الممثل العالمي سكوت آدكينز، هيوصل لقاهرة النهاردة علشان يبدأ تصوير مشاهده في فيلم "حرب كرموز" من بطولة أمير كرارة. كرارة بنفسه هو اللي صرح بالخبر ده لموقع "الوطن"، وشكر منتج الفيلم محمد السبكي، وقال عنه إنه مش بيدخر أي فلوس علشان يعمل فيلم كويس، وإنه بنى ديكور في مدينة الإنتاج ب5 مليون جنيه، ده غير طبعًا الفلوس اللي هتدفع للراجل اللي جاي ده.

آدكينز ممثل إنجليزي مواليد 1976، ومشهور كممثل ولاعب فنون قتالية، وشارك في أفلام معروفة، زي: "The Expendables 2" و "X-Men Origins: Wolverine". "حرب كرموز" من إخراج بيتر ميمي، وبيشارك في بطولته أمير كرارة وغادة عبد الرازق ومصطفى خاطر وإيمان العاصي وفتحي عبد الوهاب.