بعد 4 سنين من التحضير واختلاف الأبطال أكتر من مرة، اخيرًا تم الإعلان عن فيلم "تراب الماس" اللي متاخد عن رواية أحمد مراد اللي اتكتبت في 2010 وحققت نجاح كبير، وإخراج مروان حامد. 

آسر ياسين كان قالنا في حوار سابق ليه إنه اتعلم درامز مخصوص عشان الفيلم ده، وانه اكتر فيلم اشتغل عليه، الفيلم كمان راجع فيه عزت العلايلي بعد غياب عن السينما حوالي 6 سنين، مع تمثيل آسر ياسين وماجد الكدواني ومنة شلبي وشيرين رضا وآياد نصار ومحمد ممدوح يخلينا نستنى حاجة عظيمة. 

وقبل زحمة العيد هينزل الفيلم في السينما عشان تلحقه قبل العيد، او تلم اصحابك وتروحه في الاجازة، وانت متأكد انك هتشوف فيلم متعوب فيه.