مدينة العلمين الجديدة بتعتبر النموذج الأول للجيل الجديد من مدن الألفية، وبتقع على مساحة 50 ألف فدان، ومصممة لاستيعاب أكتر من 3 مليون نسمة. المرحلة الأولى من المدينة هيتم افتتاحها خلال 16 شهر بس. المدينة مش بس هتكون مدينة سياحية ومصيف، لكن كمان هتلاقي فيها وحدات سكنية طول السنة. وبجانب المشاريع السكنية، فيه مشاريع سياحية جديدة، لإن من المتوقع إن "العلمين" تكون مدينة سياحية جاذبة للناس من كل مكان.

من أهم المشاريع السياحية اللي بقت موجودة حاليًا، شاطيء "The Beach"، اللي بينفذه بنك التعمير والإسكان، واحد من أهم البنوك الرائدة في القطاع المصرفي، وواحد من أهم البنوك المطورة في مجال التمويل العقاري في مصر، وتنمية المشروعات والمجتمعات العمرانية الجديدة بجانب تطوير خدماته البنكية.

شاطئ "The Beach"، هو جزء من مبادرة من البنك، في محاولة منه لإنه يكون علامة تجارية قريبة من الناس ويخدمهم أكتر، مش مجرد إنه يقدم خدمات بنكية بس. "The Beach" وجهة صيفية جديدة على الطريق بين سيدي عبد الرحمن ومدينة العلمين. وهو شاطئ صديق للأسرة. 

تم تصميم "الشاطيء" عشان يناسب احتياجاتك ويلبي رغباتك اللي بتبقى محتاجها في أي مصيف، زي الراحة والهدوء والاستجمام، بعد هروبك من الزحمة وضغوطات الشغل، وفي "الشاطيء" هتلاقي البساطة واللمسات الجمالية في كل حاجة حواليك، حتى الأنشطة اللي ممكن تتعمل هناك هتلاقيها مختلفة ومتنوعة، وده هيخليك تقضي إجازة مميزة أو يوم مختلف. 
"الشاطيء" تم تجهيزه بشكل جميل مع كراسي مريحة وBean Bags في كل زاوية، ولو كنت من الناس اللي بتحاول تتجنب القعدة في الرمل، فـ هتلاقي صالات مظللة تستمتع فيها بالهدوء والاسترخاء.

هنا كمان هتلاقي منطقة كاملة مخصصة للأطفال، ألعاب بقى ومراجيح وجدار للتسلق، عشان يقضوا وقتهم. ومن منطقة ألعاب للأطفال لـ مركز الفنون "Fagnoon" اللي هيكونوا موجودين، عشان يساعدوا الناس يتعلموا حرف يدوية ويعملوا أعمال فنية. وبجانب الفنون هيكون فيه "Adrenalin Egypt"، ودول هيقوموا بعمل أنشطة رياضية زي دروس اليوجا وألعاب رياضية للأطفال والكبار على الشط.

خد بالك البحر بيجوع، بس مش أزمة؛ في قاعة كبيرة للأطعمة والمأكولات، مع اختيارات مختلفة، غير أكشاك وعربيات هتساعدك تلاقي الأكل بسهولة في أي مكان جوَّه الشاطيء، وحتى على الشاطيء نفسه، هتلاقي اختيارات من المطاعم زي "The Butcher" و"Juice Box". المكان مناسب لإنك تاخد معاك حيوانات أليفة، ودي نقطة قوة تُحسب للمشروع، لإن من النادر موافقة الشواطيء والمنتجعات السياحية على اصطحاب الزوار لـ الحيوانات الأليفة. ولو كنت من محبي الأنشطة الصباحية، فـ هتلاقي "FitSpark" و"Transforma Egypt"، بيساعدوك تعمل أنشطة رياضية جديدة تديك إحساس بالنشاط.

تذاكر الدخول اليومية للفرد بـ 150 جنيه، و300 جنيه للعيلة، لو تذكرة دخول موسمية، للعيلة بـ 2500 جنيه، وتقدر تستمتع بالبرنامج الترفيهي والعروض الفنية اللي هيقدمها شاطيء "The Beach" خلال فترة عيد الأضحى، وعشان تعرف تفاصيل أكترأو تحجز، ابعت رسالة للصفحة الرسمية لـ "The Beach" على  فيسبوك أو الحساب على انستجرام. كمان من خلال صفحتهم على فيسبوك وانستجرام ستوريز، هتقدر تعرف تفاصيل عن برنامج العيد.