الشركة الدولية اليابانية للدخان جابان توباكو، وقعت عقد تصنيع مشترك مع شركة الشرقية للدخان، لطرح منتج جديد في السوق بسعر تنافسي جديد، 24 جنيه للمستهلك، بهدف تنويع المنتجات لتناسب كل شرائح المجتمع المستهلك للدخان في مصر. وقال خالد إسماعيل، مدير العلاقات الحكومية بجابان توباكو، إن المنتج الجديد هيكون اسمه LD، وسعره 24 جنيه، وهينزل منه صنفين، الأزرق والأحمر، وهيتم التداول عليه فعليًا في السوق المصرية بعد عيد الأضحى مباشرةً.

"إسماعيل" بيقول إن طرح المنتج الجديد هو تنويع منتجات الشركة، عشان تتناسب مع كل المستويات الاقتصادية للمستهلكين في مصر، وتتناسب مع قدراتهم الشرائية الحالية.

جابان توباكو عندها منتجين تانيين، وينستون بـ 28 جنيه، وكاميل بـ 34 جنيه.