زمان كان في برامج مسابقات للغنا بتطلَّع فنانين نجحوا وبنسمعهم لحد النهاردة، بس البرامج دي كان فيها مشكلة كبيرة، وهي عدم ثقة الجمهور في التصويت ومعايير الاختيار. بس عشان احنا لسه بنحب المزيكا وهنفضل نحبها، وعشان "اتصالات" عندهم دماغ تانية في حتة تانية، عملت Etisalat Battle of the Bands، عشان الجمهور يشوف فرق الأندرجراوند بتتنافس قدامه لايف والحكم ليهم. مش هتشوف فرقة ولا اتنين ولا تلاتة، هتشوف 4 فرق بيتنافسوا زائد ضيف الحفلة في الآخر.

للسنة التانية على التوالي، وبعد ما فرقة "كود مصر" فازت السنة اللي فاتت، وبالاتفاق مع "Kult"، اتصالات مصر قدموا الفرصة لكل فرق الأندرجراوند الموسيقية لتقديم مزيكتهم وفنهم عن طريق Etisalat Battle of the Bands. على مدار خمس حفلات، فيه فرق مستنية فرصتها عشان تشتهر، هتتنافس لايف قدام الجمهور لحد ما تفوز فرقة منهم. أول جولة كانت الجمعة 9 مارس، في حديقة الحرية بالزمالك، وجمَّعوا فيها خمس فرق لمدة 10 ساعات قبل ما "شارموفرز" ضيوف الحفلة يوصلوا. 

الخمس فرق اللي شاركوا في الجولة الأولى هما؛ "كوكب"، "الهرّايين"، "بروجيكت خطاب"، و"حركة Water". وفاز منهم باند كوكب.

الحفلة التانية كانت يوم 16 مارس في حديقة الحرية وكان ضيوفها فرقة "مسار إجباري"، وشارك فيها: تونات باند -وفازوا-،وباند The rolled up sleeves، وباند كلاسيكو.

والتالتة كانت 23 مارس في الحرية برضه مع "غالية بن علي" وفاز فيها فريق "كاريزما" بس شارك فرق: Oriental Rip OFF، ساري عمر باند، و عنبر ٣.

اتفرجوا على تجارب أداء الفرق من على صفحة الفيسبوك من هنا، وماتنسوش إن الحفلة اللي جاية، اللي هتكون يومم 6 إبريل، هيكون فيها أربع ضيوف مش بس ضيف واحد؛ باند 47 Souls، أبو يوسف، تاخ، وMTM.

دلوقتي عندك فرصة تساعد الباند المفضل ليك لو مافازش في جولة من اللي فاتوا، ادخل صوَّت له ولو فاز في التصويت هيبقى عنده فرصة يرجع في السيمي فاينل والفاينل، صوَّت من هنا. 

فاضل حفلتين بس، تقدروا تطلبوا الدعوات عن طريق Ticket Marche أو كلِّموا 7070 لو أنتوا عملاء اتصالات وروحوا اعملوا دماغ مزيكا واحكموا بنفسكوا مين يستحق يفوز في Etisalat Battle of the Bands!

وشوفوا الموقع بتاع المسابقة من هنا.