من كام سنة قبل ما العالم كله يبقى قرية صغيرة والشبابيك منفدة على بعضها، كان أي شخص محتاج يلاقي شغل بتكون قدامه خطوات ثابتة مايخرجش عنها، الأول هيستنى الحكومة، بعدها هيكتشف إن الحكومات مابقيتش بتشغل حد والوظايف الحكومية عهدها ولى، هيزعل شوية بس مش هييأس، فيدور في الجرايد ويقصقص صفحة وظائف مبوبة ويقدم على أي حاجة تيجي في وشه، هكذا وصولًا لخطوة إنك تنزل الشارع تدور على أي محل أو ورشة معلقة ورقة مكتوب عليها مطلوب شابة أو شابة للعمل.

دلوقتي الوضع اختلف، ممكن نشبهه بمعادلة ليها طرفين، الطرف الأول هما الناس اللي بتدور على شغل، ما بين متعلمين وغير متعلمين، والاتنين بيتمتعوا بمهارات وكفاءات محتاجة تتوظف في مكانها. الطرف التاني هو الشركات وأصحاب العمل، اللي بيحاولوا يوصلوا لأفراد على كفاءة عالية، بأقل مجهود وبأقل فلوس، ما هو أصل أنا كصاحب شركة مش كل لما أحب أوظف حد هروح اعمل إعلان في الأهرام بتاعت يوم الجمعة اللي نصها صفحات نعي ووفيات!

عشان المعادلة تكمل محتاجة عامل محفز، محتاجة حلقة وصل ما بين الطرف الأول والتاني، دي شغلانة "فرصنا". "فرصنا" هو موقع وظائف مجانية، ببساطة دورهم يوصلوا الطرف الأول بالتاني ويتمموا المعادلة وبشكل مجاني للباحثين عن عمل وأسهل وأسرع. هتسجل على الموقع وهتلاقي مجموعة، بتاع 10 آلاف كده، من أكبر المصانع والشركات قدامك وبيتواصلوا معاك وبيدوروا عليك، والموقع بيكون عليه مش أقل من 5 آلاف فرصة عمل في الشهر، أكيد واحدة منهم هتناسبك يعني.

"فرصنا" عملوا #صاحبك_الصالح

ده بالنسبة للشركة، إيه بقى "صاحبك الصالح" ده؟ ممكن تكون شوفت الهاشتاج أو سمعت عنه من صفحات فيسبوك زي "تمت الترجمة" أو من مشاركات ناس مشاهير زي مذيع الشارع أحمد رأفت ومغني الراب زاب ثروت. لو لسه ماتعرفش، فـ "صاحبك الصالح" ده اسم الحملة اللي أطلقها موقع "فرصنا"، وخلق -من خلال الهاشتاج- مساحة لطيفة للناس على مواقع التواصل الاجتماعي، يتكلموا فيها عن صاحبهم الصالح ومواصفاته ومواقف بين الصحاب عمومًا. بس لو أنت عارف طبيعة عمل الموقع، هيكون مفهوم بالنسبالك إن المقصود من "صاحبك الصالح" هو "فرصنا" نفسه، اللي بيساعدك تلاقي شغل مناسب وبيقولك حاول وماتيأسش.

كملت الحملة بأغنية طارق الشيخ اللي بتحمل نفس الاسم، واللي اتصورت فيديو كليب للمخرج أحمد المهدي. الفيديو كليب بيقدملك الرسالة بشكل مباشر، عن طريق مجموعة من الأشخاص ساعدهم "فرصنا" إنهم يلاقوا شغل مناسب ليهم، بكده يكون هو صاحبك الصالح. الأغنية نزلت من 3 أيام ووصل عدد مشاهداتها لأكتر من 400 ألف على يوتيوب وهتلاقيها على إذاعات مختلفة وتطبيقات زي أنغامي وآي تونز.

"فرصنا" عندهم تارجت إنهم يساعدوا مليون شخص في الوصول لوظائف مناسبة سنة 2020. لو بتدور على شغل أو تعرف حد بيدور على شغل، جرب تكلم فرصنا على 19916 أو ادخل على الموقع من هنا وهتسلك