9 أفلام عربي مش مصري تستاهل تشوفهم
لما بنقول "فيلم عربي" غالبًا بيجي في بالنا علطول "فيلم مصري" خصوصًا إنها الأفلام الأكثر شهرة في العالم العربي، لكن فيه أفلام عربي تاني اقوى من بلاد مختلفة، مش هنتكلم هنا عن الأفلام اللي وصلت للقائمة النهائية لترشيحات الأوسكار ولو عايز تشوف الأفلام دي ممكن تقرأ المقال ده، لكن هنتكلم عن أفلام تاني تستحق تشوفها وهتلاقيها موجودة أونلاين.
الفيلم للمخرج زياد الدويري وهو مش الأشهر للمخرج ده لأن فيلمه "القضية رقم 23" اترشح للقائمة النهائية في الأوسكار، وفيلمه "الهجوم" اتهاجم عشان اتصور في إسرائيل، أما فيلمه بيروت الغربية فهو بيتكلم عن وقت الحرب الأهلية في لبنان وازاي الانفصال بين بيروت الغربية والشرقية كان مشكلة للناس، وازاي كان بيتم التعامل مع المسيحين والمسلمين في وقت الحرب الأهلية وايه كان بيجمعهم وايه كان بيفرقهم؟
هو فيلم تونسي إخراج ليلى بو زيد، بيتكلم عن بنت نفسها تغني، وبتشترك مع فرقة للأغاني الملتزمة اللى بيتقبض عليهم عشان بيغنوا أغاني مناهضة للنظام، الفيلم كسب جائزة المهر الدهبي في مهرجان دبي وجوايز في مهرجانات كتير، بس متخفش هو مش فيلم مهرجانات وتستحق تشوفه. الفيلم كمان بتمثل فيه "غالية بن علي".
الفيلم حالة صوفية شعرية جميلة عن جد وحفيدته في الصحراء، وفي النص هتلاقي قصص كتير متداخلة مبتعرفش هي واقع ولا خيال وبتسأل عنها الحفيدة، الفيلم من إخراج ناصر خمير.
هو فيلم دوري فلسطيني من إخراج وتأليف مي المصري، وبيتكلم عن مُدرسة فلسطينية في السجون الإسرائيلية وبتولد وهي في السجن، القصة دي ومعاناتها هي أساس الفيلم.
هو الفيلم التاني للمخرج نادين لبكي، الفيلم ده بيتكلم عن الحرب الأهلية في لبنان والمشاكل الطائفية بس بطريقة كوميدية وخفيفة مبتخلاش من الوجع والدم برضه، المخرجة فيلمها الأول "سكر بنات" جميل جدًا، وفيلمها التالت "كفر ناحوم" حصل على جائزة في مهرجان "كان" ومنتظرين عرضه في مصر.
فيلم تونسي إخراج محمد بن عطية اللي حقق جائزة أفضل عمل أول في مهرجان برلين السينمائي بعد غياب عربي عن جوائز المهرجان لمدة 20 سنة، وبطل الفيلم "مجد ستورة" فاز بجايزة الدب الفضي كأحسن ممثل، الفيلم بيتكلم عن شاب تونسي، أهله بيخططوله كل خطواته، وهو مستسلم تماما لإيقاع حياته الهادي، حياته بتتغير لما بيقابل فنانة استعراضية تونسية في سفرية من سفرياته قبل خطوبته المتخططة مباشرة، في الوقت اللي بنسمع فيه عن هبوب رياح الربيع العربي من تونس الخضراء.
الفيلم أكتر من إنه فيلم هو "تجربة"، المخرج الفلسطيني رائد أنضوني مش بس بيحكي قصته اللي عاشها لما تم اعتقاله في السجون الاحتلال الإسرائيلي، كن الممثلين كمان كانوا كلهم معتقلين سابقين، المخرج كتب إعلان في جرنال بيصدر في رام الله انه محتاج سجناء سابقين لتمثيل فيلم، وتم الاستعانة بدكتور نفسي يساعد الممثلين على تجاوز لأشباح اللي عايشة جواهم بعد تجربة الاعتقال.
فيلم جزائري فاز بـ15 جائزة دولية، وهو عن معلمة اضطريت تهرب من الإرهابيين اللي طلبوا منها تحط قنبلة في مدرستها وبيحاولوا يغتالوها.
الفيلم بطولة خالد أبو النجا وسعاد ماسي، والفيلم مستوحى من عملية عيون الحرامية اللي كانت ضد الجنود الإسرائيليين في وادي عين الحرامية قرب رام الله في 2002.
الأفلام دي كلها ليها لينكات أونلاين لأنها قديمة، اتعب شوية ولاقيها لو مش موجودة يوتيوب، وقولنا رأيك فيها.
