السينما العربية مش كلها مصرية.. 15 فيلم ممكن تشوفهم
السينما في مصر مهمة وكبيرة ولحد 20 سنة فاتت كانت هي المسيطرة في الوطن العربي، وعشان كده لو روحت أي بلد غالبًا هيكلموك عن عادل امام، لكن الوضع بدأ يختلف خصوصًا مع دراسة عدد من المخرجين العرب للسينما في أمريكا وأوروبا واشتراكهم في مهرجانات عالمية وتأثيرهم على حركة السينما في العالم كله مش مصر بس. دي ليستة أفلام لو عايز تحب السينما العربية، ومتخفش لو مبتتفرجش غير على أجنبي هتلاقي طلبك في الأفلام دي برضه ...
فيلم للمخرج زياد الدوديري- لو متابع الأخبار ده المخرج اللي اتحقق معاه عسكريًا عشان تصوير فيلم من أفلامه في أسرائيل، مش هو ده الفيلم اللي اتصور في اسرائيل لكن ده بيتكلم عن بداية الحرب الأهلية في بيروت، الفيلم مش وثائقي خالص، بالعكس دمه خفيف ولطيف بس كمان جواه معلومات كتير. الفيلم اللي اتصور في اسرائيل اسمه الصدمة وعمل صدمة في لبنان فعلًا ممكن تشوفه عشان تحكم بنفسك، واخيرًا لنفس المخرج فيلم قضية 23 اللي لسه هينزل سينما ولبنان هترشحه عشان يمثلها في الأوسكار.
عمر فيلم فلسطيني اترشح للأوسكار في احسن فيلم اجنبي، لقطات الحب اللي بين عمر الشاب اللى بيتسلق الجدار الحاجز هتحبها وتعجبك وهتديك فكرة مختلفة عن فلسطين المحتلة.
الفيلم اللي بيتكلم عن المشكلة الطائفية اللى موجودة في لبنان، بأغاني ورقصات وعياط وضحك سوا، وازاي إن الناس ممكن تختلف في كل حاجة بس بيتفقوا في الحشيش والستات! الفيلم يستحق انك تشوفه جدًا .. وكان واخد جايزة في مهرجان كان.
نفس المخرجة ليها فيلم أول اسمه سكر نبات عن حكاية ستات عايشين في بيروت لو شفته هتستمتع جدًا وهتفهم انماط مختلفة في المجتمع اللبناني، الفيلم ده اتعرض على هامش مهرجان كان.
فيلم تونسي بيتكلم عن بنت صغيرة صوتها حلو وبتغني أغاني اندرجراوند، لو انت مش تونسي، شوف الفيلم بترجمة عشان مش ههتفهم حاجة غالبًا. الفيلم اخد 24 جايزة في مهرجانات عالمية.
فيلم فرنساوي كندي بس ممكن نعتبره مغربي عشان هو عن قصة ست مغربية هاجرت لفرنسا وجوزها سابها وبتحاول تربي بناتها الاتنين، الفيلم اخد جايزة احسن فيلم في مهرجان سيزار 2015، المميز كمان إن البطلة مش ممثلة لكن خدامة جزائرية مهاجرة لفرنسا –زي قصة الفيلم- ومبتعرفش تتكلم فرنساوي فعلًا وخدت دروس عشان الفيلم.
فيلم تونسي عن جد وحفيده بيدوروا على معنى الحياة في الصحرا، لو بتحب الاجواء الاندلسية، هتحب الفيلم ده، الفيلم هو الجزء التالت لفيلمين "الصحراء"، و "طوق الحمامة"، لكن الاجزاء مش مرتبطة ببعض. لو بتحب الصوفية اقرأ كمان كتاب "طوق الحمامة" وشوف الفيلم.
فيلم أردني وصل للتصفيات النهائية للأوسكار كأحسن فيلم أجنبي، ايقاع الفيلم هادي وتقريبًا مفيهوش احداث، بس فيه تصوير عظيم وموسيقى .. فلو بتحب نوع الأفلام ده شوفه، لو بتزهق بسرعة بلاش.
فيلم سعودي، ايوه زي ما سمعت سعودي، عن بنت نفسها تركب عجلة وصعوبة ده في السعودية، الفيلم اترشح لجائزة احسن فيلم اجنبي في الأوسكار، ومخرجة الفيلم واحدة ست.
فيلم فلسطيني عن عملية فدائية كان ليها نفس الاسم، الفيلم تأليف واخراج نجوى النجار وفلسطين رشحته عنها للأوسكار لكن موصلش للنهائيات.
رغم إن الحرب الأهلية اللبنانية انتهت وعلاقتهم بسوريا المفروض بقت طبيعية، لكن الفيلم عن واحدة مقدرتش تتخطى موت اخوها بقنبلة سوريا وكانت بتحضر عشان تستقبل عيلة خطيب ابنها اللي بتكتشف لما يوصلوا انهم سوريون فتحاول تفشكل الجوازة، الفيلم تأليف واخراج صوفي بطرس.
فيلم كندي، بس لبناني في نفس الوقت، الفيلم مأخوذ عن رواية لبنانية بتتكلم عن أم ماتت وسابت لعيالها المهاجرين كندا وصية فيها رسالتين واحدة يسلموها لاخوهم اللي ميعرفوش عنه حاجة والتانية لابوهم اللي فاكرينه مات اصلًا، وبيكتشفوا إن اللى عمل فيهم كل ده الحرب الأهلية في لبنان.
فيلم فلسطيني-أردني تأليف وإخراج مي المصري، اتعرض الفيلم في قسم السينما العالمية في مهرجان تورونتتو سنة 2015، الفيلم بيحكي عن مدرسة فلسطينية تتم اعتقالها في السجون الاسرائيلية وخف جوه السجن، الأردن اختارت الفيلم عشان يمثلها كأفضل فيلم باللغة الاجنبية في الأوسكار بس موصلش للتصفيات النهائية.
فيلم تونسي بطولة هند صبري بيتكلم عن سفر الشباب للجهاد في سوريا من خلال قصة أم تونسية ابنها قرر يسافر لسوريا ويجاهد هناك.
فيلم تونسي بيصنف انه +18 عشان الفيلم بيتكلم عن حمامات الستات والخبايا اللي فيها، لو دورت عليه هتحس من المكتوب عنه انه فيلم إباحي بس هو فيلم جرئ وقوي.
فيلم فلسطيني أردني عن اللجوء والفدائيين، قضايا الحروب بتطلع احسن أفلام عربية عندنا تقريبًا، الفيلم فاز بجايزة احسن فيلم عربي في مهرجان أبو ظبي والناس اشادات بيه كتير.
