علشان بقينا في زمن قايم على المساواة، ساكينا راشد مطورة في مجال التطبيقات عملت أبلكيشن بيقدم تشكيلة مختلفة من الإيموجي الخاصة بالمسلمين بمعني صح بتوصفهم أكتر. الأبلكيشين فيه أكتر من ٢٠٠ إيموجي و GIF اللي مرتبطة بشكل ما بحياة المسلمين، الأبلكيشن بيقدم إيموجي بتوصف أحداث أو مناسبات مهمة تخص الإسلام، زي الصيام، الدعاء أو الأكل الحلال.

على حسب موقع step feed، مطورة الأبلكيشن شرحت وجهة نظرها اللي دفعتها تعمل الأبلكيشن، وهو إن العالم الإلكتروني مش بيتيح للمسلمين يعبروا عن نفسهم، بالإضافة إنها بتصاب بخيبة أمل لما بتشوف الصور السلبية اللي بيتم تمثيل الإسلام بيها في الإعلام. من ضمن الإيموجي حاجات بتعبر على الصيام، الحب الحلال، داب للمحجبات، رقص الدبكة، لبس الإحرام وغيرهم كتير.

في بداية السنة دي، مؤسسة Unicode Consortium المسؤولة عن تطوير الإيموجي أعلنت إن الإصدار الأخير منها هيتضمن إيموجي للحجاب. دا جه بعد ما السعودية "ريوف الحميضي" -عندها ١٥ سنة- بعتت طلب للمنظمة تطلب إيموجي بالحجاب. الفكرة جتلها لما كانت بتتكلم مع أصحابها على الشات وكل شخص كان مطلوب منه إنه يبعت إيموجي بيعبر عنه، وصاحباتها الغير محجبات لقوا إيموجي بيعبر عنها بس هي اضطرت تبعت صورة واحدة محجبة.

الأبلكيشن موجود بس علي Apple Store وتمنه 1.99$
تقدر تحمله من هنا