"أمة" أبليكيشن جديد اتعمل مخصوص عشان المسلمين الأجانب، بس هيفيدك لو أنت مسلم مسافر بره. اللي عملوه بيعرّفوا نفسهم إنهم مجموعة من الشباب، لقوا مشكلة موجودة عند مسلمين أوروبا فحاولوا يلاقوا الحل. المشكلة الأولى هي إن مافيش تراجم موثوقة للقرآن والأحاديث بلغة غير عربية، والمشكلة التانية هي صعوبة الوصول لمطاعم بتقدم أكل حلال حقيقي موثوق فيه، والمشكلة التالتة إن الناس أحيانًا مابيعرفوش يوصلوا للمساجد، وعشان كده الشباب دول بمجهودات ذاتية عملوا الأبليكيشن ده.

أول خدمة بيقدمها هي خريطة للمساجد الموجودة في دول أوروبا وبيبدأ من الدنمارك مكان انطلاق "أمة"، أرشفة المساجد هتضم مكانها الجغرافي والمذهب ومواعيد فتحها وإغلاقها واسم الإمام ومواعيد الدروس الدينية، وتاني خدمة هتكون مطاعم الأكل الحلال، وده هيضم المكان وخدمات التوصيل لو موجودة وإذا كان فيه مكان يسمح بالجلوس ولا لأ. الأبليكيشن كمان تقدر تعرف منه مواقيت الصلاة والقبلة والترجمات للقرآن والأحاديث.

كل د معاه خدمة طلب المساعدة لو وقعت في مشكلة والأبليكيشن يبلغ مستخدميه القريبين منك. 

"أمة" لسه في المرحلة التجريبية لكن تقدر تحمله من هنا.