رجاء مارصو، دكتورة مغربية بيسميها المهاجرين الأفارقة "ماما الحاجة"، بتكرس وقتها وحياتها  لمساعدتهم على الحدود بين المغرب ومدينة سبتة الخاضعة للنفوذ الإسباني. المنطقة دي بتعتبر من أكتر المناطق الخطرة الموجودة في المغرب وبيتجمع فيها المهاجرين غير الشرعيين وبيعانوا من الجوع والعطش والمرض. 

في يناير 2014 كانت أول مرة تروح الدكتورة المدينة دي وتشوف حجم البؤس اللي بيعيشه المهاجرين، اللي أغلبهم من الشباب، فبحسب كلامها لـ "DW" إنها لاقيتهم لابسين لبس مقطع وأقدامهم حافية، وعندهم أمراض كتير، ومن يومها التزمت إنها تروحلهم عشان تعالجهم، ورغم إن ده غريب، لكنها كانت بتكشف عليهم في العربية أو في أي مكان وسط الغابة وهما معرضين لمشاكل أي وقت، لكن رغم كده بتأكد "رجاء" إنها عمرها ما اتعرضت لهجوم من المهاجرين وماتتوقعش كده أبدًا، لكن رجال الأمن بيطلبوا منها تبطل تساعدهم.

رغم انشغال "رجاء" بشغلها في مستشفى عامة لكنها، بتروح كل أسبوع يومين، لتقدم فحوصات طبية مجانية للمهاجرين.

الصور من DW