• اكتب معانا
  • ماتنسناش
  • تابعنا
الموضوع اللي جاي
دكتورة مغربية بتخاطر بحياتها عشان تساعد المهاجرين الأفارقة على الحدود
الموضوع اللي فات
المصريين بيلموا توقيعات ضد "beIN SPORTS" عشان العنصرية ضدهم

أزمة ربع العمر: ليه كل اللي عندهم 25 سنة عندهم اكتئاب؟

و ايه علاقة "بيتر بان" بالموضوع؟

 "الكثير من الناس يموتون فى سن ال25 لكنهم لا يدفنون إلا فى سن ال75" بينجامن فرانكلين

جملة "انا عندى اكتئاب" بقت بتتسمع اكتر من اللازم من اصحاب العشرينات و الثلاثينات فى الفترة الحالية. مش بس كلام, بوستات و تويتات البؤس و اليأس من الحياة مكتسحة السوشيال ميديا. مواليد الثمانينات و التسعينات واضح انهم بقوا حاملين لواء الاكتئاب فى العالم.

"الاكتئاب مرض العصر" ديه مش مجرد مقولة بيقولها المكتئبون علشان ما يحسوش انهم وحيدون فى العالم, وفقا لأخر احصائيات منظمة الصحة العالمية  فيه 300 مليون شخص حول العالم, 18% من سكان الكوكب, مصابون بمرض الاكتئاب بمختلف درجاته. تعريف الاكتئاب هو الشعور الملح بالحزن و فقدان الرغبة فى القيام بالأنشطة اليومية وربما يصل إلى فقدان الرغبة فى الحياة. اعراض الاكتئاب هى  قلة التركيز وفقدان الشهية والشعور الدائم بعدم الرضا و اليأس.

بس هل كل اللى تخطى الخمسة و عشرين و بيشعر بحزن عام وعدم اتزان نفسى مصاب بمرض الاكتئاب و لا ديه مجرد أزمة ربع العمر؟ أزمة ربع العمر ممكن تكون مش مشهورة زى أزمة نصف العمر المعروفة بالمراهقة المتأخرة. أزمة منتصف العمر بتبقى محاولة الهروب من الشعور بكبر السن فالمصاب بيها بيحاول يدخل فى مغامرات تحسسه انه لسه صغير فى السن: صبغ الشعر و شراء عربيات جديدة و الخيانة الزوجية من اعراض الازمة المعروفة. على الناحية التانية, ازمة ربع العمر اسبابها و اعراضها مختلفة تماما.

السبب الرئيسى لأزمة ربع العمر هو عدم استعياب الانتقال من مرحلة المراهقة لمرحلة النضج. بعد سنين من الاعتماد على الأهل ماديا و معنويا بيكون مطلوب من الشخص انه يستقل عنهم, ضرورة الاستقلال ديه بسبب شعوره و بسبب ضغط المجتمع عليه انه خلاص كبر و مابقاش عيل. الشعور بالضغط الزائد بيسبب هزة نفسية للشخص و بالتالى بيسبب الأزمة.

"متلازمة بيتر بان" هو اسم اخر لازمة ربع العمر, ده لأن المصاب بالازمة بيرفض الشعور بالنضج بسبب كثرة المسؤليات و الضغوطات اللى بتتفرض عليه زيه زى شخصية "بيتر بان" اللى قرر انه يهرب من الواقع و يعيش طفل للأبد فى "نيفر لاند".

الاخصائى النفسى "ايريك ايركسون" طرح فكرة ان الفشل فى تكوين علاقات عاطفية مع الاخرين فى المرحلة العمرية من 20 ل 39 ممكن يكون سببا فى الأزمة. "أيركسون" عمل دراسة عن مراحل التطور النفسى للأفراد مع تطور عمرهم, فى المرحلة السادسة اللى سماها مرحلة "الحميمية ضد الانعزال", "ايركسون" شاف حتمية تكوين علاقات عاطفية قوية مع الاخريين يكون قوامها الحب. الانعزال بيكون الاختيار التانى و هو مسبب رئيسى للازمات النفسية. بالنسبة "لاريكسون" العلاقات العاطفية مش شرط تكون علاقات رومانسية لكن ممكن تكون صدقات قوية.

اشكال ازمة ربع العمر كتيرة لكن هى غالبا بتيجى على اربع مراحل. أولهم بيكون شعور بالاختناق من الالتزامات زى الالتزام الوظيفى او الالتزام العائلى او الاتزام مع شريك عاطفى او اى التزام تانى بقى مفروض على الشخص بسبب دخوله مرحلة النضج. تانى مرحلة بتكون مرحلة التخلص من الالتزامات فعلى اثرها ممكن يترك الشخص وظيفته او شريكه العاطفى و ينعزل عن اصحابه و معارفه. المرحلة الثالثة هى الأخطر و الأكثر تسبيبا للألم النفسى لأنها المرحلة اللى بيبدأ فيها المصاب فى الأزمة مراجعة جميع قرارته اللى اتخذها و بيتملكه شعور بالقلق و الخوف على المستقبل, التوتر و التفكير الزائد فى التفاصيل الكبيرة و الصغيرة   "over thinking" من سمات المرحلة.جميع الهواجس بيواجها المصاب بالأزمة لوحده بعد ما اختار العزلة فى المرحلة الثانية, البقاء كثيرا فى المرحلة ديه ممكن يسبب بالفعل مرض الاكتئاب. المرحلة الرابعة بتكون ادراك الأزمة و بعديها بتأتى اعادة الميلاد و فى النهاية الخروج من الأزمة.

فى التلاتين سنة اللي فاتت الدراسات اثبتت ان سن الاكتئاب نزل من اواخر الاربعينات إلى اوائل الثلاثينات و اواخر العشرينات. و ده دليل ان الجيل اللى بيمر بمرحلة منتصف العشرينات حاليا هو اكتر جيل عانى من أزمة ربع الربع اللى الاكتئاب بيكون نتيجتها الاخيرة. علماء الطب النفس ماعندهمش سبب واضح لازدياد الظاهرة. بس شدة التنافس والطبيعة المادية فى الألفية الجديدة ممكن يقع عليها اللوم.اصحاب العشرينات و الثلاثينات مش هما بسبب اللى بيتعرضوا لضغوطات العصر الحديث, لكن اسرهم كمان. ضغط العمل على الاسرة خلى ماعندهاش وقت تقدم الدعم المعنوى اللازم لفرد الاسرة اللى بيمر بالأزمة.

 اختيار المصاب بالأزمة تغيير اهتماماته و القيام بانشطة و هوايات جديدة و الاختلاط بدوائر إجتماعية مختلفة خطوة مساعدة وضرورية للخروج من الأزمة. اللجوء لدعم من متخصص فى الطب النفسى قد يكون مطلوب احيانا. أخصائية الطب النفسي "سلمى السعيد" قالت ان ادراك الأزمة هى الخطوة الاهم للخروج منها. "مصاب الأزمة لازم يعرف ان العشرينات مش هى النهاية و انه لسه فى مرحلة البناء, الاكتمال النفسى مش بيكون قبل سن ال35".

Home
خروجات النهاردة
Home
Home