ناس كتير بتقول إن العلاقات الجنسية فيما يخص الستات شئ مش المفروض حد يتكلم فيه، وبالرغم من كدة، في ست مسلمة عايشة في أمريكا قررت تكتب كتاب باسم “أوم مولادهات" -ودي مش شخصيتها الحقيقية- الكتاب يعتبر إرشاد للستات المسلمات عن “العلاقات الجنسية”، لأنها شافت إن في ستات كتير عندها جهل جنسي ومش عارفين يتبسطوا في حياتهم الزوجية.

الفكرة جت في دماغها لما واحدة صاحبتها كانت بتحكيلها عدم قدرتها على الاستمتاع في علاقتها مع جوزها، “أوم” لاحظت إن البنت مش عارفة هي أو جوزها محتاجين إيه، إدتها شوية نصايح أثبتت جودتها وابتدت تشاركها مع غيرها والموضوع اتحول لمطالبة إن “أوم” تنشر المعلومات اللي عندها في كتاب.

أوم في حوارها مع الهافنتجون بوست، قالت إنها مش عاملة الكتاب علشان تدعم أو تقوي الستات المسلمات، هي عملت الكتاب بغرض التثقيف، ووضحت كمان إنها وصلت للمرحلة دي من الثقافة بمساعدة كتب مسيحية. الكتاب بيقول إن الستات المسلمات ممكن يطلبوا الطلاق من أزواجهم لو امتنعوا عن ممارسة الجنس معاهم لفترة معينة، وإن ده من ضمن الفقه. "أوم" بتقول إن مش كل المسلمات عندهم حظر أو خوف من العلاقات الجنسية، وإن مش المفروض حد يحس بالذنب لممارسة الجنس طالما في إطار الزواج. 

في الكتاب “أوم” بتقدم معلومات عن الأوضاع الجنسية، التدليك المثير جنسيًا وأنواع الهوس الجنسي، وبتقول إن في أفعال جنسية معينة زي العلاقة أثناء الدورة الشهرية ممكن تكون حرام، بس دا لا يشمل حاجات تانية أكتر بكتير. ناس كتير اعترضت على الكتاب وقالوا إنه ممكن يأثر على أخلاق الست المسلمة، لكن في ناس كتير اعتبرته إرشاد مطلوب ومن الناس دي جوزها اللي عارف عن قصة الكتاب. 

تقدر تشتري الكتاب من هنا.