في تسريبات طلعت من وكالة "ناسا" الأمريكية إن رحلة الفضاء الجاية للمريخ هتكون كلها ستات، لأسباب جنسية، رائدة الفضاء البريطانية "هيلين شارمان" قالت ل"ديلي ميل" إنها ماقرتش التقارير السرية، لكن "ناسا" حذرت إن الرجالة والستات في رحلة المريخ ممكن يناموا مع بعض بسبب طول مدة الرحلة.

والتسريبات قالت إن "ناسا" توصلت إن الحل الأفضل يبعتوا طاقم كله ستات، علشان بيشتغلوا بشكل أفضل كفريق، ونزاعهم ع السلطة أقل من الرجالة، الرحلة للمريخ بتاخد سنة ونص، بيتعرض فيها رواد الفضاء لإشعاعات كبيرة، فلو حملت أي رائدة فضاء، هيبقى خطر عليها وعلى الجنين. ناسا ما بتمنعش ممارسة الجنس في الفضاء، لكن بتفرض مواثيق المهنية والاحترام على رواد الفضاء.