من بين 200 ألف مرشح، اختارت شركة "مارس وان" (المريخ 1) وهي شركة هولندية غير هادفة للربح، المصري "محمد سلام" عشان يبقى من بين 100 شخص مرشحين إنهم يسافروا يعيشوا في المريخ، عشان كده كل يوم "سلام" بيتدرب على العجلة بتاعته وبيحافظ على لياقته البدنية.

الشركة هتختار في 2018، أربعة وعشرين شخص بس من ال 100 واللي محمد سلام مرشح جدًا إنه يكون منهم، لإنه الشخص الوحيد من الشرق الأوسط. سلاّم عنده 34 سنة، ودرس كمبيوتر وبيعشق الفلك، وبيتابع دراسته أونلاين على الإنترنت، ولو تم اختياره فهيبقى لازم يخلص رسالة الدكتوراه بتاعته.

شركة "مارس وان" بتقول إن بعثات كتير غير مأهولة هتتبعت خلال عشرينات القرن ده عشان تأسس منطقة للسكن، وعشان يحاولوا يستخرجوا مياة من تربة المريخ، ومن المتوقع إن أول مجموعة من المرشحين تسافر المريخ في 2031، ومن المتوقع أن ترسل إدارة الطيران والفضاء الأميركية "ناسا" أول بعثاتها البشرية للمريخ في حدود عام 2032.