أصدر الجهاز المركزي للتعبئة العامة والإحصاء، بيان صحفي بمناسبة اليوم العالمي للقضاء على الفقر، واللي العالم بيحتفل بيه يوم 17 أكتوبر من كل سنة. الجهاز أكد في بيانه إن مصر وضعت خطة لتقليل نسبة الفقر للنصف بين الرجالة والستات بحلول سنة 2020، والقضاء عليه نهائيا سنة 2030. البيان استعرض جهود الحكومة للقضاء على الفقر واللي هتحقق المطلوب، من ضمن الجهود دي:

1- برنامج الدعم النقدي المشروط "تكافل وكرامة": هدفه تقديم دعم نقدي للأسر الفقيرة، بدأ تنفيذه في 2015 وبيستفيد منه 2 مليون و250 ألف أسرة.

2- دعم السلع التموينية: قال البيان إنه تم التوسع في دعم السلع التموينية وزادت قيمة الدعم للفرد الواحد لغاية ما بقت 50 جنيه شهريًا في يونيو 2017، بعد ما كانت 15 جنيه في 2015.

3- برنامج "الألف يوم الأولى في حياة الطفل": بيستفيد من البرنامج ده 16 ألف سيدة مسجلة في 10 محافظات بالصعيد. البرنامج بيشترط على الستات دول إنهم يزوروا لمراكز الرعاية الصحية بانتظام، عشان يحصلوا على أقراض حمض الفوليك والحديد بشكل مجاني للحوامل، وأقراض فيتامين "أ" وكمان الأطفال بياخدوا فيتامين "أ" وكل التطعيمات.

4-  التمكين الاقتصادي والاهتمام بالمراة (برنامج قروض مستورة): هدف البرنامج تمكين المرأة اقتصاديا وتمويل مشروعات صغيرة. بدأ التفيذ في نوفمبر 2011 ووصل عدد المشروعات اللي تم تنفيذها لـ12 ألف مشروع بإجمالي 192 مليون جنيه.