قال مسؤولون أثيوبيون لـ "سكاي نيوز عربية" إن سد النهضة اللي بتبنيه أثيوبيا على نهر النيل مش يكمل قبل 2022، وبكده يكون اتأخر 4 سنين عن الجدول الزمني المقرر، وكان المفروض السد يكون خلص في 2018. سبب التأخير حسب تصريحات المسؤولين، هو وجود عيوب محتملة في معدات محطة توليد الطاقة الكهربائية بالسد.

مدير الإنشاءات الخاصة بسد النهضة، كيفلي هورا، أوضح إن فريق الإنشاءات عنده مخاوف من جودة الأعمال الميكانيكية الكهربائية اللي نفذتها شركة «ميتال آند انجنيرينغ كوروبوريشن» اللي بيديرها الجيش الأثيوبي، حسب وكالة الأسوشيتد برس. كمان رئيس الشركة السابق الميجور جنرال كينفي داغنيو، اتسجن بسبب تهم فساد واختلاس.

أثيوبيا أعلنت عن بناء السد في 2011 وكان مفترض يتم الانتهاء منه في 5 سنين بس لغاية دلوقتي لسه ماخلصش منه أكتر من نص الأعمال الإنشائية.