وزير الخارجية السوداني إبراهيم الغندور، قال إن مصر كانت بتاخد حصة السودان في النيل، وإن حان الوقت إن مصر تدفع اللي عليها وتدي السودان كامل حصتها من مياه النيل. الوزير السوداني كان بيتكلم لقناة RT عن مشروع سد النهضة الأثيوبي، وقال إن موقف مصر من قضية السد بيتعارض مع مصالح السودان.

وكمل كلامه بالمرة بقى غن قضية حلايب وشلاتين اللي عليها نزاع بين مصر والسودان، فقال إن مصر لازم ترجعلنا حلايب، سواء بقرار سيادي أو بالتحكيم الدولي، وأكد في الوقت نفسه إن مصر رافضة الحلين. الغندور تعجب من الحاجات اللي بتتنشر عن بلده في الصحف المصرية، لكن السودان، حسب كلامه، مش بتاخد غير بالمواقف الرسمية المعلنة، ومش مهتمة بكلام الجرايد.