نشرت صحيفة "ديلي ميل"، إن القاضية الإنجليزية "جاسيل راسل" أصدرت حكم يمنع بريطانية متجوزة من مصري، تسافر مع بنتها اللي عمرها شهور، عشان خايفين الأب والأم يعملوا عملية ختان للطفلة.

الحكم بيمنع الوالدين إنهم يسافروا بالطفلة بره بريطانيا إلا لما تتم 16 سنة، وقالت الصحيفة البريطانية إن الأم، حولت ديانتها للإسلام بعد ما قابلت الزوج المصري، اللي كان بيشتغل في فندق في مصر، لكن الطفلة اتولدت في انجلترا، والأم كانت عايزة تاخدها لمصر بشكل منتظم عشان تزور أسرة الأب، ورغم إن الأب والأسرة قالوا إنهم مش هيعملوا للبنت عملية ختان اللي بيعتبر جريمة جنائية في بريطانيا، بس المحكمة أخدت القرار بالمنع.