افتتح رئيس الوزراء الإثيوبي، أبي أحمد علي، سد ريب الإثيوبي الجديد، اللي بيقع في ولاية أمهرا الإقليمية الوطنية بمنطقة جنوب جوندار على الجانب الشرقي من حوض بحيرة تانا. والسد كان بدأوا العمل فيه من 10 سنين.

السد موجود على نهر ريب، اللي يعتبر واحد من روافد النيل الأزرق شرق بحيرة تانا، وواحد من 7 أنهار دائمة الجريان للبحيرة، بالإضافة لـ 60 رافد موسمي تاني بيصبوا فى بحيرة تانا اللي بتمد النيل الأزرق بحوالى 3.7 مليارات متر مكعب. طول النهر حوالي 130 كيلومتر وبينبع من جبال جنة Guna اللي بيبلغ ارتفاعه 4 آلاف متر فوق سطح البحر.

سد ريب واحد من السدود الصغيرة، والغرض منه ري 50 ألف فدان بالقرب من بحيرة تانا، وتكلفته هتوصل لـ 150 مليون دولار وفقًا لموقع "صدى البلد".

السد بيتمتع بقدرة استيعاب 234 مليون متر مكعب من المياه،  وقال خبير المياه الدولي، الدكتور عباس شراقي، إن سد ريب لا يستخدم في توليد كهرباء، وهو بس عبارة عن سد ترابي صخري طوله 800 متر، وارتفاعه 73 متر، وبيغطي الخزان مساحة 11,2 كيلومتر مربع عند منسوب 1940 م فوق سطح البحر، بسعة تخزينية 234 مليون متر مكعب من المياه (تعادل اللي بيتصرف يوميًا من بوابات السد العالى) عند مستوى 1945,5 مترا فوق سطح البحر، وأشار لإن عمر السدود الصغيرة في اثيوبيا محدود بسبب الاطماء الشديد، ولإن السد ده هيحجز جزء من الطمى قبل ما يوصل لبحيرة تانا.