"أم كلثوم والعصر الذهبي" هو اسم العرض المسرحي الاستعراضي اللي هيتقدم أول مرة على مسرح البالاديوم في لندن يوم 2 مارس الجاي، من إنتاج وتأليف السعودية منى خاشقجي وإخراج برونا لاغان، والعرض من بطولة مغنية الأوبرا السورية لبانة القنطار. 

العرض هيكون ليلة واحدة في لندن وبعد كده هيبقى جولة في عدد من الدول العربية، لأنها انتظرت سنة كاملة عشان تاخد تصريح العرض في أكبر مسارح لندن، منى خاشقجي قالت إن أم كلثوم قبل وفاتها كانت بتحضر لحفلة في لندن لكنها توفت قبل ما تحقق حلمها، والعرض ده هو هديتها لروح كوكب الشرق.

مؤلفة العرض قالت إنه بيوضح تاريخ الغناء الموسيقي العربي خصوصا الستات فيه، لأنه بيبدأ بأغنية "طلع البدر علينا" اللي غناها أهل المدينة المنورة، وبينتهي بأغنية "مكة"، العرض المسرحي بالإنجليزية لكن الأغاني بالعربي زي ما غنتها أم كلثوم.

عشان تعرف أكتر عن العرض وتحجزه ممكن تدخل على موقع المسرحية.