أغاني أم كلثوم وصلت بالمصريين لمستويات عالية من الحب والهيام، عشان كده استخدمهم الشيخ "محمد عبدالسلام صابر"، مُبتهِل ومقيم شعائر، في الأدعية الدينية والابتهالات. فهو بيحب "الحاجة الحلوة".

الحكاية بدأت في فرح ابنه لمَّا طلب منه واحد من الحضور يقول حاجة، فـ "ربنا فتحها عليه" زي ما وصف وطلعت منه "مغفلتش عن ذكرك يوم" فـ لقى تشجيع من الحضور وبقى يكرر الموضوع. "صابر" بيقول ان أكتر محافظة بتطلب منه يبتهل لربنا بالأغاني و"يقول" هما أهل الشرقية، فهما "سمّيعة أوي" زي ما قال.

من جانب وزارة الأوقاف، حذَّر مستشارها الشيخ "صبري عبادة" الشيخ "صابر" وقاله إن المجتمع بيلفظ الأشخاص اللي  بيخرجوا عن نطاق مهنتهم.