• اكتب معانا
  • ماتنسناش
  • تابعنا
الموضوع اللي جاي
9 مسلسلات عربي مش مصري تستاهل تتشاف
الموضوع اللي فات
مكافحة الإدمان: الترامادول أكتر مخدر المصريين بيتعاطوه

مشروع قانون لفرض ضريبة على الشقق المقفولة

الله وأنا مالي يا لمبي

لجنة الإسكان والمرافق بمجلس النواب، اقترحت فرض ضريبة على الشقق المقفولة وغير المستغلة، وإلزام المالك بدفع ضريبة 10% من القيمة الإيجارية ليها، في حالة رفض المالك لتأجيرها. وقال النائب عبد الكريم زكريا، عضو لجنة الإسكان بمجلس النواب، إنه بيجري تقديم مشروع القانون الخاص بتعديل بعض أحكام القانون رقم 4 لسنة 1996 بشأن إيجار الأماكن السكنية، بفرض 10% ضريبة على الشقق المقفولة شهريًا من القيمة الإيجارية ليها، وقال إن مشروع القانون هيتناقش في دور الانعقاد الجاي، وإن الضريبة دي هيتم فرضها على الوحدات اللي هيطلب صاحبها إنها تفضل مقفولة زي ما هي.

خالد عبد العزيز فهمي، وكيل لجنة الإسكان بمجلس النواب، قال إن فرض ضريبة 10% على الشقق المقفولة من القيمة الإيجارية هيساعد في حل أزمة السكن، عن طريق عرضها للإيجار أو البيع.

الدكتور عبد الرسول عبد الهادي، عضو مجلس إدارة جمعية الضرائب المصرية، قال إن الضريبة العقارية الموجودة دلوقتي بتوصل لـ10% من صافي القيمة الإيجارية، وبتطبق على الوحدات اللي بيتجاوز قيمتها 2 مليون جنيه، سواء كانت مشغولة أو غير مشغولة. وقال إن تعديل قانون الضرائب لفرض ضريبة على الوحدات المقفولة هى ضريبة جديدة، بهدف تشجيع أصحاب الوحدات لتأجيرها لحل أزمة السكن، لكن تطبيق ده على الواقع بياخد سنين، متوقع أن تستهدف الدولة 2 مليار جنيه من ضريبة الوحدات المقفولة.

 

 

 

Home
خروجات النهاردة
Home
Home