سنة 99، صدر قرار من رئاسة الجمهورية المصرية باعتبار وادي دجلة محمية طبيعية، ممتدة على مساحة 60 كم2. وادي دجلة مكان غني بالكنوز والصخور ومشهور بالتخييم والرحلات. مؤخرًا محمية وادي دجلة مش بتمر بأحسن حالاتها، بسبب الزبالة اللي هتلاقيها في المكان، وقلة الاهتمام بيها. مجموعة من الشركات والأفراد قرروا يغيروا الوضع ده، ويعملوا حملة كبيرة لتنضيف محمية وادي دجلة يوم السبت الجاي، علشان المكان يرجع جاهز لاستقبال كل الزوار تاني.

جهات كتير هتكون مشاركة في الحملة اللي هتبدأ من الساعة 9 الصبح للساعة 2 الضهر يوم السبت، عندك مثلا:
- Environ Adapt: مشاركين في التنظيم وتوفير أدوات التنضيف كلها
- Wild Guanabana: هيشاركوا بالتنظيم، كمان هيكون في تيم كامل منهم على الأرض بينضفوا مع الناس
- The Tri Factory: برضه تنظيم وتيم هيشارك في التنضيف
- American city international school: الطلبة والعنصر البشري اللي هيرجعوا المحمية بتبرق تاني
- Thebes American College
- Red Bull: أكيد المجهود ده كله هيحتاج تشربله ريدبول
- VENTURE GROUP: الأكل عليهم
- M2 developments: المواصلات اللي هتوديك المحمية
- Flo water: المية الساقعة المشبرة.

الميعاد السبت 30 سبتمبر، من 9 الصبح ل 2 الضهر.