• اكتب معانا
  • ماتنسناش
  • تابعنا
الموضوع اللي جاي
عينات من القمر هتتباع في مزاد علني ب 4 مليون دولار
الموضوع اللي فات
"البحث عن أم كلثوم" بطولة ياسمين رئيس في "فينسيا"

أول لاعبة كورة مصرية تحترف في الدوري الإنجليزي

عندها 18 سنة

مصر فيها منتخب كورة قدم نسائية، جايز مابتتفرجش على أي ماتشات ليهم، بس هما موجودين، والجديد بقى إن لاعبة من لاعبات مصر في الكورة النسائية هتحترف في الدوري الإنجليزي. المصرية سارة عصام هتبقى أول لاعبة كرة نسائية مصرية تحترف في الدوري الإنجليزي، وتحديدًا نادي ستوك سيتي، بعد اهتمام النادي الإنجليزي بموهبتها، ووافقوا إنها تقضي معاهم فترة معايشة، اختبار يعني وتقدر بعد الاختبار ده تنضم رسمي للنادي.

ستوك سيتي بيلعبله كمان اللاعب المصري رمضان صبحي، وقريب سارة هتزود عدد المصريين في النادي. سارة عندها 18 سنة بس، وبتلعب في المنتخب المصري للكورة النسائية، ورغم صغر سنها، عندها 20 مباراة دولية مع المنتخب. سارة بتلعب في نادي وادي دجلة المصري. سارة بتقدر تلعب في مركز المهاجم الصريح وتحت المهاجم.

Home
خروجات النهاردة
Home
Home