عينات من القمر هتتباع في مزاد علني ب 4 مليون دولار
دار "سوثبي" للمزادات في نيويورك قررت تعرض شنطة صغيرة للبيع، الشنطة فيها غبار و قطع صغيرة من حجارة القمر، في مزاد علني. العينات دي "نيل ارمسترونج" بذات نفسه كان جايبها من القمر في رحلته اللي بتعتبر الرحلة الأولي للقمر في التاريخ، والقطع دي بتعتبر نادرة لأنها الأولي من نوعها.
والمزاد ده بمناسبة الذكرى الـ48 لهبوط الإنسان على سطح القمر، وهيكون يوم 20 يوليو اللي جاي في "نيويورك". دار سوثبي قالت إن المزاد هيوصل لـ4 مليون دولار أمريكي. الحقيبة مقاسها 30 سم وأسمها "عودة عينة القمر"