المجموعة الاقتصادية والتجارية Insider Monkey عملت احصائية عن العلاقات بين الاعراق المختلفة وعملت تصنيف بأكتر 25 دولة عنصرية على مستوى العالم، الاحصائية دي قامت على استبيانين الأول عملته واشنطن بوست وسألت الناس لو عايزين يكون ليهم جيران من اعراق تانية مختلفة، اما الاستبيان التاني كان عن الناس شافت وقابلت عنصرية في حياتها ولالا. 

النتائج اعتمدت على 85 ألف شخص من 61 دولة على مستوى العالم كله، في الفترة ما بين 2014 و 2015. الاحصائية اتشكك في مصداقيتها بسبب انها استبعدت دول ممكن يكون فيها عنصرية زي سوريا والنمسا، لكن في نفس الوقت تعتبر مرجع مهم جدًا.

مصر طلعت في المرتبة الخامسة من حيث العنصرية وفيها 39 % اتعرضوا للعنصرية او شافوها قدامهم، لكن أول دولة عربية بحسب الاحصائية وتاني دولة على مستوى العالم هي لبنان اللي 36 % منها مش عايزين جيران من اعراق تانية، و64 % بيتعرضوا للعنصرية. 

ودول اكتر 25 دولة على مستوى العالم من حيث العنصرية: 

1. الهند

2. لبنان

3.البحرين

4.ليبيا

5. مصر

6. الفلبين

7. الكويت

8. فلسطين

9. جنوب افريقيا

10. كوريا الجنوبية

11. ماليزيا

12. نينجريا

13. كردستان 

15. الاكوادور

16. الجزائر

17. باكستاان

18. اليمن

19. هونج كونج

20. روسيا

21. تايلاند

22. قبرص

23. تركيا

24. المغرب

25. اليابان