"لا تعطني سمكة ولكن علِّمني كيف أصطاد"  لو مشينا بالحكمة دي مع متحدي الإعاقة في مصر، اللي وصل عددهم لـ 8.5 مليون، هنلاقي إن أكبر مساعدة ليهم هي خلق فرص عمل تناسبهم.

عملًا بقانون إعادة تأهيل المعاقين لسنة 1975 اللي بينص على التأهيل العملي ليهم وتوظيفهم بنسبة 5% لأي مؤسسة عدد أفرادها أكتر من 50 شخص، Jobzella   بالتعاون مع شركات تانية هتعمل في يوم 14 أبريل ملتقى "نقدر" التوظيفي اللي من خلاله هتجمَّع أصحاب الإعاقات المختلفة وتسهل عليهم مقابلة أصحاب شركات في مختلف المجالات.

ملتقى "نقدر" يقدر يحضره صاحب أي إعاقة سمعية أو بصرية أو حركية أو عقلية ولكل منهم وظايف مناسبة ليه في شركات كبيرة وبنوك مصرية، الملتقى هيكون يوم 14 إبريل في الحرم اليوناني للجامعة الأمريكية  من 11 الصبح لـ 6 مساءًا.

لو عندك اي استفسار ممكن تبعت على business@himmetna.com، أو تتصل على ٠١٠٠٠٨٩٧٢٤٢ و ٠١٠٠٠٨٩٧٦٩٠ و ٠١٠١٣٦٤٤٤٢٢ 

لو تعرف حد بيعاني من اعاقة او لو انت بتعاني من مشكلة، الملتقى ده معمول عشان يساعد كل الناس تشتغل لأن الشغل حق لكل فرد في المجتمع.