هيئة الإذاعة البريطانية BBC نشرت تقرير بيقول إن فيه خمسينات القرن الماضي، لقى علماء آثار قطع طينية بيرجع عمرها 3400 سنة، في حجرة صغيرة في مدينة أوغاريت الساحلية القديمة في سوريا، واحدة من القطع دي مكتوب عليها كلمات قال العلماء انها أقرب مثال للتدوين الموسيقي في العالم.

حاول العلماء على مدار سنين كتير انهم يفسروا الكلمات ويحاولوا يطلعوا منها صوت موسيقي ويغنوا الأغنية، لكنهم قدروا يتوصلوا إن دي موسيقى بابلية باللغة الهورانية Hurrian language وكلمات الأغنية بتتكلم عن بنت معندهاش أطفال لأنها اسأت التصرف بشكل ما، وراحت تصلي لآلهة القمر بليل، وبيعتقد العلماء كمان إن ده كان بيتم عزفه على آلة زي القيثارة اللي اتطورت بعد كده عشان تبقى العود المعروف في العالم العربي.

الأغنية دي تم عزفها وغناءها وممكن تشوفها من خلال اللينك ده.

اشتهرت سوريا في العصر الحديث بصناعة الالآت الموسيقية، واطلقت السلطات السنة اللي فاتت حملة عشان تضيف حلب كمدينة للموسيقى عشان يحييوا التراث اللي اشتهرت بيه حلب من خلال موشحاتها اللي كانت بتتغنى في العصر العثماني.