• اكتب معانا
  • ماتنسناش
  • تابعنا
الموضوع اللي جاي
17 صورة بيختصروا 2017
الموضوع اللي فات
جد عرض ١٠ آلاف جنيه لتغيير اسامي أحفاده من "ميسي" و"كريستيانو"

بنت سورية عملت كتاب قصص لأطفال سوريا عشان تساعدهم ينسوا الحرب

فيه 6 قصص

أطفال سوريا ماكنش قدامهم خيارات كتير للاستمتاع بوقتهم، عشان كده فكَّرت "لمياء سليمان" مديرة مؤسسة خطوات للتنمية الاجتماعية، في إهداء أطفال سوريا، مدينة إدلب تحديدًا، قصص وحكايات عشان تاخدهم لعالم تاني أحن من عالم الحرب والقنابل والغارات، وبالفعل بدأت في مشروع كتاب "الكرة الحائرة" في شهر نوفمبر.

حسب اللي نشره موقع "مصراوي"، المشروع بيستهدف حوالي 10 آلاف طفل سوري هربوا لإدلب من سيطرة داعش في مدن سورية تانية. ومن خلال 6 حكايات في الكتاب بتحاول "ليماء" توصَّل لهم رسايل تسامح ومحبّة وتعايش سلمي.

القصص من بينهم قصة للشاعرة المصرية "سارة عابدين"، اللي ساعدت "لمياء" كتير في كتابة واختيار القصص والتواصل مع كتاب من دول عربية مختلفة. "لمياء" بتقول إن وصلها أكتر من 30 قصة، لكنها كانت بتختار بعناية منهم، وبقى في النهاية كل القصص اللي عندها معتمدة على درسات عميقة لاحتياجات الأطفال.

واحدة من القصص بتحكي عن صداقة طفل بالظلّ اللي بيخاف منه، بتقول "لمياء": كتبت القصة دي قبل المشروع وحسيت إنها مناسبة للأطفال السوريين. "الكرة الحائرة" هو الكتاب الأول اللي بيمتلكه الأطفال في مدارس إدلب من بعد الكتاب المدرسي. القصص من كتابة: "هاني آصف شويخ" و"لمياء".

Home
خروجات النهاردة
Home
Home