جد عرض ١٠ آلاف جنيه لتغيير اسامي أحفاده من "ميسي" و"كريستيانو"
في مواطن مصري سمى عياله الاتنين "كرستيانو وميسي" من كتر حبه في اللاعبين! سمعنا عن ناس كتير بتحب الكورة، بس ماعرفش ناس كتير عاوزة تسمي عيالها دروجبا أو نيمار أو حتى ميسي، عمومًا في واحد عملها. جد الطفلين هيتجنن طبعًا ومش عاجبه الموضوع، وقال للوالد إنه مستعد يدفعله لغاية 10 آلاف جنيه بس يغير أسامي العيال، رغم كدة الأب رفض، طب جربت تعرض أكتر يا حاج؟
أم الطفلين قالت إنها مارفضتش تسمي ابنها الأول كرستيانو لإن الاسم متداول، بس كانت رافضة تسمي التاني ميسي. عمومًا يا ريت لو هتخلفوا تاني تسموه هازارد
