الباحث السعودي فيصل السرهيد، نجح في إجراء أول محادثة باللغة العربية مع الروبوت "مسالم"، وبكده يكون أول روبوت في العالم بيتكلم باللغة العربية.
السرهيد بيستخدم تقنيات بتعلّم "مسالم" انه يقوم بتقنيات معينة بدون برمجته بشكل صريح، و-حسب ما ذكرت سكاي نيوز عن وكالة رويترز- فـ بيتم تدريب الروبوت على 100 ألف محادثة عشان يزود ثقته في نفسه.

السرهيد حاصل على درجة الدكتوراه من بريطانيا، وبيشغل منصب مدير وحدة العلوم والتكنولوجيا في الجامعة السعودية الإلكترونية، وبيشتغل حاليًا على تطوير الروبوت بحيث يكون أكتر وعي بالبيئة المحيطة، ويقدر يحرك أطرافه.
الباحث قال في تصريح إن هيكون من الممكن استخدام الروبوت في خدمة العملاء والاستقبال والتعليم بالجامعات، وهيتم استخدامه في الجامعة عشان يشوف مدى قابلية الروبوتات لإنها تحل محل أعضاء هيئة التدريس في المستقبل.

وعن رؤيته، فـ هو شايف إن مشروعه بيواكب الطموحات التقنية للمملكة مع مشروع نيوم - المدينة العملاقة اللي بتخطط السعودية لإنشائها من وقت ما أعلن عن انشائه ولي العهد السعودي الأمير محمد بن سلمان في 2017