انتشر فيديو لأم إندونيسية وطفلتها السعودية، "هيفاء"، يتيمة الأب وعندها 10 سنين، بيدوَّروا فيه على عائلة أبوها السعودي "سلطان عبدالله الحربي" اللي اتوفى من 9 سنين في حادثة.

شاب اسمه سلطان الحربي توفي  في اندنوسيا  بحادث دباب .له بنت اسمها هيفاء من فتاه اندنوسيه تدعى منى ..

الزواج كان شرعي وهي تجوب الشوارع الآن وتقصد مقر إقامة السعوديون لعلها تجد من يساعدها في ايصالها الطفله إلى اهلها #هيفاء_سلطان_الحربي

فيديو كامل هنا 👇🏻 pic.twitter.com/ETlo8sSfzd

— حسن النجمي (@NajmiHasan) March 4, 2018

السفارة السعودية في جاكرتا اتجاوبت بسرعة وأكدت إنها هتاخد الإجراءات اللازمة في قضية الطفلة #هيفاء_سلطان_الحربي. وقالت سفارة المملكة على حسابها على تويتر: "إشارة إلى المقطع المتداول والمتضمن وجود طفلة باسم /هيفاء سلطان الحربي في منطقة ‎بونشاك، تود ‎السفارة في جاكرتا الإفادة بأن هذا الموضوع سوف يأخذ الإجراء المناسب في مثل هذه الحالات مع الجهات ذات العلاقة… تحياتنا".

وأشار "محمد علي الغامدي" اللي بيتابع قضية الطفلة، لموقع العربية، إن ملامحها الـ “سعودية” هي اللي دفعته لمتابعة القضية، وهو دلوقتي بيحاول يوصَّل صوتها لأهلها ممكن يتعرفون عليها ويجتمع شملهم.

الأم الإندونيسية قالت إن أول ما جوزها، اللي اتعرفت عليها في رحلة سياحية ليه، اتوفي في حادث موتوسيكل أخدت رقم أبوه من تليفونه عشان تبلغهم، وفعلًا حضروا ونقلوا جثمانه للسعودية. وهي للأسف لا تمتلك أي أوراق ثبوتية للزواج.