بمناسبة موسم الحج، المملكة العربية السعودية عملت أبليكيشن جديد هيساعد الحجاج في تأدية المناسك، الآب اسمه "مبرور" وهيشرح للحجاج طرق المناسك الصحيحة، حسب اللي صرح بيه الدكتور عبد الرحمن السند، رئيس هيئة الأمر بالمعروف والنهي عن المنكر للقناة السعودية الإخبارية. 

الهيئة كمان دورها مش هيكون مقتصر على أبليكيشن موبايل، لكن هيوزعوا ورق على الحجاج بيشرحلهم كل حاجة، تسهيلا لعملية أداء المناسك، خصوصًا للناس اللي بتحج لأول مرة، ووصل عدد الورق والمطويات اللي هيتم توزيعها لحوالي 10 مليون، كل ده في إطار استعدادت السعودية لاستقبال حجاج بيت الله الحرام.