أمن الجيزة قدر يقبض على "أحمد"، 23 سنة، سواق تاكسي سرق 3,600 مليون جنيه من مواطن كان راكب معاه. الموضوع بدأ لمَّا ركب "م.ع"، 29 سنة وتاجر عقارات عايش في الهرم مع السواق ومعاه شنطتين فيهم المبلغ، وبعد شوية وقف السواق في شارع الليبيني بحجة إن العربية فيها مشكلة، ولمَّا نزل المجني عليه من العربية غفِّله السواق وجري بالتاكسي وفيه الشنطتين.

المهتم قال بعد القبض عليه إنه أثناء نقل الشنط مع المجني عليه، حس إن الشنطتين فيهم مبلغ مالي كبير ففكر في سرقتهم. وبعد ما جري بالعربية والفلوس اتصل بوالده وبلغه، فـ طلب منه الأخير السفر للمنوفية، مقر أسرتهم، عشان يخبّي الفلوس هناك ويسختبّوا كلهم. فعلًا سافر "أحمد" مع أسرته، وخبّوا الفلوس في أوضة وبنوا حيطة على الباب.

وبعد ضبط والد المتهم أقر بمعرفته بعملية السرقة وأرشد عن مكان إخفاء الفلوس.