صحيفة "الديلي إكسبريس" البريطانية، في تقرير ليها، عن إن في آثار فرعونية عمرها أكتر من 3 آلاف سنة، اتباعت في مزاد علني يوم الاتنين اللي فات، ي هانسونز بمدينة ديربي ببريطانيا، وقالت الصحيفة إن المزاد هيستمر لمدة يومين. التقرير أوضح إن الآثار عبارة عن مجموعة ضخمة من تماثيل صغيرة كانت بتتحط في المدافن الفرعونية.

حسب الصحيفة، التماثيل دي تم جمعها من مصر في العشرينات من القرن اللي فات، على إيد شخص بريطاني اسمه هانز مولر هانسن، بعدها اتورثت لحفيده هانز نيلسن، وهيتم بيع 90 منهم في مزاد علني وممكن يوصل سعرهم ل60 ألف جنيه استرليني.

وزارة الآثار ممثلة في الدكتور شعبان عبد الجواد، رئيس إدارة الآثار المستردة بالوزارة، ردت بإنهم رصدوا المزاد وبلغت وزارة الخارجية عشان يوصلوا للمستندات الخاصة بالقطع دي ويعرفوا هي خرجت من مصر ازاي، وأكد "عبد الجواد" إن قانونًا لا يمكن وقف المزاد إلا لو أثبتوا إن القطع دي خرجت من مصر سرقة، وفي حالة قدروا يثبتوا ده، هيخاطبوا الإنتربول لاسترداد القطع.